Sahəvi ekspert ofisinin aparıcı məsləhətçisi

Azərbaycan İnvestisiya Holdinqi Sahəvi ekspert ofisinə “Aparıcı məsləhətçi” vəzifəsi üzrə vakant yerə işə qəbul elan edir.

Vəzifə funksiyaları:

• Büdcələrin, biznes planların, strategiya sənədlərinin və texniki-iqtisadi əsaslandırmaların təhlilinin aparılması, maliyyə və əməliyyat göstəricilərinin qiymətləndirilməsi
• Əsas Səmərəlilik Göstəricilərinin müəyyən edilməsi, monitorinqinin aparılması və nəticələrin təhlil edilərək rəhbərliyə təqdim olunması
• Müşahidə Şurasına və digər idarəetmə orqanlarına təqdim ediləcək məsələlər üzrə analitik materialların, rəy və təqdimatların hazırlanması
• Dövlət qurumlarından daxil olan sorğu və məktubların cavablandırılması prosesində iştirak, aidiyyəti arayışların hazırlanması
• Portfel şirkətlərinin fəaliyyətinin səmərəliliyinin artırılması və strateji inkişaf istiqamətləri üzrə təkliflərin hazırlanması
• Maliyyə modelləşdirilməsi və büdcə planlaşdırılması proseslərində iştirak və metodoloji dəstəyin göstərilməsi
• Yerli və beynəlxalq təşkilatlar, dövlət qurumları və tərəfdaşlarla əməkdaşlıq çərçivəsində görüşlərin və layihələrin koordinasiya olunması
• Qlobal bazarlar, makroiqtisadi mühit, sektor trendləri və rəqabət mühiti üzrə araşdırmaların aparılması və analitik hesabatların hazırlanması

Namizədə dair tələblər:

• Ali təhsil (maliyyə, biznesin idarə edilməsi və iqtisadiyyat istiqamətləri üzrə)
• İxtisası üzrə ən azı 3 il iş təcrübəsi
• Maliyyə və əməliyyat göstəriciləri üzrə təhlillərin aparılması ilə bağlı təcrübə
• MS Excel proqramında maliyyə modelləri ilə işləmək və onların yığılması ilə bağlı təcrübə
• MS PowerPoint proqramında təqdimatları peşəkar səviyyədə hazırlamaq təcrübəsi
• CFA və ya ACCA dərəcələri üzrə davam edən və ya tamamlanmış ixtisaslaşma (üstünlükdür)
• İrihəcmli məlumatlar ilə işləmə bacarığı
• Səlis Azərbaycan və ingilis dili bilikləri
• Analitik düşünmə qabiliyyəti

Göstərilən tələbləri qarşılayan və vakansiya ilə maraqlanan namizədlər müraciətlərini 20 iyun 2026-cı il tarixədək ünvanlaya bilərlər.

Yalnız seçilmiş namizədlərlə əlaqə saxlanılacaqdır.